هذا طراجي ديال جبل رات لي ممعروفش بزاف ولكن راه صعيب

#طراجيات
#قمة_جبل_راتهذا طراجي ديال جبل رات لي ممعروفش بزاف ولكن راه صعيب.
احدى القمم العالية لجبال الاطلس الكبير حوالي 3790م.
1- انطلاقة من مراكش --) دمنات "المركوب 35 درهم الكار" وملي توصل دمنات اتسول على طريق "امي نيفري" بغيتي تركب راه 3 دراهم ولا تشدها كراعية تقريبا شي 4 كم ولا قل معقلتش مغديش تحس بيها حيت كلها غابة والخدورية وداكشي...
2- ملي توصل امي نيفري نزل تشوف القنطرة الطبيعية وراه كاينين مغارات خصوصا واحد القنت معروف تما بالطيارة كدخل ليها من لتحت وملي دخل لداخل اتلقا راسك الفوق لمهم داكشي ايعجبكم
من امي نيفري اتسمر على النقل المزدوج لي كيدي ل "امازاين" تقريب 35 درهم.
هاذ امازاين هو اخر دوار قريب لجبل رات.
3- فاش توصل امازاين ايبان ليك الجبل ولكن الطريق ديال سومي مكيناش خاصك ديرها لراسك هنا اتبدا حلاوة تريب لمهم القضية راه صعيبة حيت طلعة واقفة
من الاحسن خلي المتريال ديالك عند شي حد فدوار ودير ديبار مع الصباح بكري حيت غادي تحتاج الوقت...
كاين بزاف ميتشاف تما خصوصا ملي كطلع القمة يا سلام
وزيد عليها مغارة كاينة تحت القمة من الضفة الخرى ونقوش صخرية قديمة خاصك دير شوية المجهود وتلقاهم...
على مقالو ناس المنطقة بلي كاينة مقبرة فالقمة ديال الجبل مدفونين فيها شي رحالة البدو عائلة صغيرة وغطاوهم بالحجر حيت مكيناش تراب كيفما كتشوفو فالصور.
طراجي مختاسر مراكش--دمنات--امي نيفري--دوار امازاين--جبل رات